მიხეილ კალატოზიშვილი
დაბადების ადგილი: ქ. თბილისი. კარიერის დასაწყისში მუშაობდა ფირის დამწებებლად, კინომექანიკოსად, მძღოლად, ლაბორანტად, მემონტაჟედ, მსახიობად ("სამი სიცოცხლე", "ტარიელ მკლავაძის მკვლელობის საქმე"), ოპერატორად ("ორთქმავალი 1000ბ", "ბიული"), სცენარისტად ("ბოშური სისხლი"); ოპერატორის ასისტენტად ("ჯანყი გურიაში"), აქვეყნებდა წერილებს ჟურნალში "მემარცხენეობა", რომლებშიც აქტიურად გამოთქვამდა აზრს კინოს შესახებ. მისი პირველი დამოუკიდებელი რეჟისორული ნამუშევარია ფილმი "მათი სამეფო" (1928); შემდეგ გადაიღო ფილმი "ჯიმ შვანთე" ("მარილი სვანეთს", 1930); 1933 წელს შევიდა ლენინგრადის ხელოვნებათმცოდნეობის აკადემიაში; 1934-1936წწ. იყო სახკინმრეწვის დირექტორი. სარეჟისორო მოღვაწეობას დაუბრუნდა 1939 (ფილმი "მამაცობა"); 1941 წელს დადგა ფილმი "ვალერი ჩკალოვი"; ფილმი "განწირულთა შეთქმულება" შექმნილია ნ. ვირტას ამავე სახელწოდების მოთხრობის მიხედვით (1950); განსაკუთრებით ცნობილია მისი ფილმი "მიფრინავენ წეროები" (1957). მიღებული აქვს: კარლოვი-ვარის საერთაშორისო კინოფესტივალის მშვიდობის პრემია ფილმისთვის "განწირულთა შეთქმულება" (1950), კარლოვი-ვარის საერთაშორისო კინოფესტივალის "ბროლის გლობუსი" ფილმისთვის "ერთგული მეგობრები" (1954), კანის საერთაშორის კინოფესტივალის "ოქროს პალმის რტო" (1958), მეხიკოს საერთაშორისო კინოფესტივალის საპატიო პრიზი (1958) და ლოკარნოს საერთაშორისო კინოფესტივალის საპატიო დიპლომი (1958) ფილმისთვის "მიფრინავენ წეროები".
- ಶೀರ್ಷಿಕೆ: მიხეილ კალატოზიშვილი
- ಜನಪ್ರಿಯತೆ: 0.8379
- ಹೆಸರುವಾಸಿಯಾಗಿದೆ: Directing
- ಜನ್ಮದಿನ: 1903-12-28
- ಹುಟ್ಟಿದ ಸ್ಥಳ: Tiflis, Russian Empire [now Tbilisi, Republic of Georgia]
- ಮುಖಪುಟ: http://www.nplg.gov.ge/bios/ka/00007989/
- ಎಂದೂ ಕರೆಯಲಾಗುತ್ತದೆ: Michail Kalatosow, Mikhaïl Konstantinovitch Kalatozov, Mikheïl Kalatozichvili, Михаил Калатозов, მიხეილ კალატოზიშვილი, მიხეილ კალატოზოვი, Михаил Калатозишвили, Mikhail Kalatozov
